Bjarni Jóhannesson þjálfari KA var langt því frá að vera sáttur með stigið gegn HK eftir 1-1 jafntefli í Kórnum í leik sem lauk rétt í þessu.
KA menn voru með yfirhöndina mest allan leikinn og fengu mörg fín færi en inn vildi boltinn ekki.
KA menn voru með yfirhöndina mest allan leikinn og fengu mörg fín færi en inn vildi boltinn ekki.
Lestu um leikinn: HK 1 - 1 KA
,,Við vorum bara miklu betri, það var bara ósköp einfalt, en við getum svosem sjálfum okkur um kennt við nýttum ekki færin sem við fengum," sagði Bjarni í viðtali við Fótbolta.net.
Aðspurður hvað fór úrskeiðis og hvers vegna svona mörg færi fóru forgörðum sagði Bjarni:
,,Þú verður að spurja þessa drengi, sérstaklega hérna í lokin fengum við færi bara trekk í trekk þannig það hefði verið ljúft að landa þremur stigum í þessari baráttu sem við erum í. En eins og ég segi, við nýttum ekki færin og nýttum ekki þessa yfirburði sem við vorum með."
Nú fer Verslunarmannahelgi að nálgast og var Bjarni í engum vafa með hvaða ráðstafanir skyldi gera fyrir næstkomandi helgi.
,,Þeir fara bara og skemmta sér einhvers staðar svo koma þeir bara á æfingu á mánudag."
Athugasemdir