Þorvaldur vildi öll stigin þrjú
Þorvaldur Örlygsson þjálfari HK var hvorki sáttur né svekktur með stig sinna manna gegn KA í 1.deildarslag liðanna í Kórnum sem lauk rétt í þessu. Leiknum lauk 1-1 og Þorvaldur var með það alveg á hreinu hvernig fyrri hálfleikurinn spilaðist.
Lestu um leikinn: HK 1 - 1 KA
,,Leikurinn var opinn að mörgu leyti, fyrri hálfleikurinn algjörlega okkar eign, þeir voru ekki að ógna okkur mikið og við gefum þeim klaufalegt mark þegar lítið er eftir og það stoppar aðeins okkar aðgerðir," Sagði Þorvaldur í samtali við Fótbolta.net.
Þorvaldur virtist ekki vera sáttur með færanýtingu sinna manna í leiknum.
,,Þau færi sem við fáum í seinni það eru þannig færi að þau ættu að geta klárað hvaða leik sem er. Við fengum færi þar sem einn leikmaður okkar einn á móti markmanni inní markteig og í annað skipti þar sem miðjumaður okkar var inní markteig einn á móti marki."
Hinn margumræddi félagsskiptagluggi lokar senn og Þorvaldur stressar sig ekki á því
,,Við leyfum honum bara að loka án þess að við komum nálægt honum."
Athugasemdir
