Markalaust var eftir 90 mínútur og því var farið í vítaspyrnukeppni. Donnarumma kom þar inn í markið hjá AC Milan og hann varði spyrnu frá Toni Kroos eftir að Carlos Bacca hafði klúðrað víti fyrir AC.

Leikmenn liðanna voru öruggir á punktinum að öðru leyti og á endanum var komið að markvörðunum að spyrna.

Kiko Casilla, markvörður Real, skoraði úr sinni spyrnu og varði síðan spyrnuna frá hinum 16 ára gamla Donnarumma og tryggði um leið spænska liðinu sigur.