Hólmbert fékk blóðnasir í kvöld og skoraði stuttu síðar.
Hólmbert Aron Friðjónsson, framherji KR, átti flottan leik í kvöld þegar liðið vann 4-1 sigur gegn ÍBV í undanúrslitum Borgunarbikarsins í vesturbænum.
Hólmbert skoraði tvö fyrstu mörk KR, bæði í fyrri hálfleik, en hann er tiltölulega nýkominn til liðsins frá Celtic. Hann fékk sénsinn í byrjunarliðinu í kvöld og nýtti hann heldur betur. Var hann að vonum ánægður með sigurinn.
Hólmbert skoraði tvö fyrstu mörk KR, bæði í fyrri hálfleik, en hann er tiltölulega nýkominn til liðsins frá Celtic. Hann fékk sénsinn í byrjunarliðinu í kvöld og nýtti hann heldur betur. Var hann að vonum ánægður með sigurinn.
Lestu um leikinn: KR 4 - 1 ÍBV
„Flottur leikur og flottur sigur. Hefðum viljað halda hreinu en svona er þetta og við erum komnir í úrslit, það er mjög gott," sagði Hólmbert eftir sigurinn.
„Við náðum inn fyrsta markinu sem kom loksins og ég held að það hafi svolítið gefið okkur forskot í leiknum. Þetta var svolítið þægilegt eftir það."
Hólmbert fékk dágott högg í andlitið í fyrri hálfleik og þurfti að fara af velli til að fá aðhlynningu.
„Ég veit eiginlega ekki hvað gerðist, ég lendi í einhverjum árekstri og síðan fékk ég eitthvað í andlitið. Ég veit ekki hvað hitti mig í andlitið, smá blóðnasir og eitthvað, en það lagaðist."
Viðtalið við Hólmbert má sjá í heild sinni í spilaranum hér að ofan.
Athugasemdir
