Hefur hann undanfarið kallað eftir drykknum til Íslands og Henrý Birgir, íþróttafréttamaður, hefur tekið hraustlega undir og hvöttu þeir félagar Vífilfell nýverið til að koma drykknum á markað og það sem fyrst.

Skemmst er frá því að segja að Vífifell brást skjótt við óskum drengjanna og nú er drykkurinn kominn í hillur verslana, mörgum væntanlega til mikillar ánægju.

Það vakti hins vegar athygli okkar hér á Fótbolti.net að Gunnleifur sást með Fanta Lemon á æfingu hjá Breiðabliki eftir stórleik Blika og KR í Frostaskjólinu.

Í léttu spjalli sagðist Gunnleifur ekki hafa getað staðist mátið í veðurblíðunni í Kópavogi.

„Ég bara varð að koma við í búðinni og grípa með mér flösku á leiðinni á æfingu enda er um takmarkað magn að ræða og því um að gera að njóta á meðan tækifæri gefst,“ sagði Gunnleifur en viðurkenndi um leið að hann mætti alla jafna ekki með gosdrykki á æfingar enda leggi hann mikla áherslu á að borða hollt og drekka mikið vatn þar sem mikið álag fylgi því að vera markvörður í efstu deild á Íslandi og vera í landsliðsklassa í besta knattspyrnulandsliði sem Ísland hefur átt.

Þegar við spurðum Gulla hvað Adda Grétars fyndist um þetta svaraði hann bara: „Uss“.