„Það er bara frábært, æðislegt. Þetta var eitt að markmiðunum okkar í sumar og það er bara æðislegt að ná því“, sagði Glódís Perla sem er nýkrýndur bikarmeistari með Stjörnunni eftir 0-4 sigur á Selfossi í dag.
„Mér fannst þetta í rauninni rosalega jafn leikur í byrjun. Við lentum í smá basli þegar við skoruðum fyrsta markið en þegar við settum annað mark að þá fann maður við ætluðum að klára þetta“.
„Þegar maður er í bikarleik og annað liðið skorar að þá verður hitt liðið að henda fleiri leikmönnum fram til að jafna og þá opnast meira fyrir aftan og þá náðum við að skora,“ en Gunni þjálfari Selfossliðsins tók sinn besta varnarmann og setti hana upp á topp til að reyna að fá meira boost og mark í sóknarleikinn í Selfossliðið.
„Við þurfum að koma okkur svo úr þessum bikarúrslitaleik og einblína aftur á Íslandsmótið því við eigum eftir að klára leikina þar“, en Stjarnan mætir aftur selfyssingum á miðvikudaginn kemur í Pepsi-deildinni.
„Þetta var geðveikt, takk allir sem komu“, sagði Glódís Perla sem ætlaði síðan að halda áfram að fagna með liðinu sínu fram á kvöld.
Nánar er rætt við Glódísi hér í sjónvarpinu að ofan.
Athugasemdir