Heimild: BBC
Daley Blind er á leið í raðir Manchester United.
Manchester United hefur komist að samkomulagi við Ajax í Hollandi um kaup á hollenska landsliðsmanninum Daley Blind.
Blind sem er 24 ára gamall var lykilmaður í liði Hollendinga á Heimsmeistaramótinu í Brasilíu í sumar en þá lék hann undir stjórn Louis van Gaal núverandi stjóra Man Utd.
Hann spilaði ýmist sem vinstri bakvörður eða varnarsinnaður miðjumaður.
Félagið á enn eftir að ná samkomulagi við leikmanninn um kaup og kjör en ef það gengur eftir verður hann fimmti leikmaðurinn sem Man Utd kaupir í sumar.
Félagið hefur þegar eytt 130 milljónum punda í sumar og keypt Angel Di Maria, Luke Shaw, Ander Herrera og Marcos Rojo.
Athugasemdir
