Manchester City ætla ekki að selja Alvaro Negredo samkvæmt Manuel Pellegrini, þjálfara liðsins.
Sóknarmaðurinn er að glíma við meiðsli eftir að hafa brotið bein í löppinni en hann hefur verið orðaður við endurkomu til Spánar.
Pellegrini segir að áhuginn á Negredo hafi minnkað eftir að hann meiddist og segir að hann búist við að Negredo verði ennþá hjá liðinu.
,,Fyrir mánuði síðan þá höfðu spænsk lið áhuga á honum, en það var fyrir mánuði síðan. Eins og er þá er Alvaro meiddur en hluti af hópnum okkar. Hann stóð sig mjög vel á síðustu leiktíð en þá meiddist hann á öxl."
,,Það er ekkert að frétta af Negredo eða öðrum leikmönnum, við höfum ekki fengið nein boð í neinn," sagði Pellegrini.
Scott Sinclair, Micah Richards og John Guidetti eru ennþá hjá Manchester City en þeir eru ekki í plönum Pellegrini.
,,Við sjáum hvað gerist á næstu 48 tímum. Þeir vita að þeir eru ekki í plönum liðsins því við erum með nóg af leikmönnum."
Athugasemdir