ÍBV lagði Keflavík 3-0 á Hásteinsvelli rétt í þessu. Ásmundur Arnarson þjálfari Eyjaliðsins var að vonum sáttur með niðurstöðuna.
Lestu um leikinn: ÍBV 3 - 0 Keflavík
„Ég held þetta hafi verið okkar besti leikur síðan ég tók við liðinu og ég er gríðarlega ánægður með strákana og leik liðsins í dag," sagði Ási.
„Okkur gekk illa að halda boltanum og vorum sundurslitnir í síðasta leik. Við fórum þá yfir skipulagið og í dag gekk þetta eiginlega bara fullkomlega upp,"
„Þeir komu extra grimmir í seinni hálfleik, þetta var síðasti séns hjá þeim og við þurftum að verjast aðeins betur á þeim tímapunkti sem við gerðum" sagði Ási.
ÍBV er eftir sigurinn fjórum stigum frá fallsæti.
„Þetta eru "crucial" þrjú stig fyrir okkur en við öndum ekki léttar fyrr en þetta er búið," sagði Ási að lokum.
Athugasemdir