sun 30. ágúst 2015 20:21
Alexander Freyr Tamimi
Gary Martin meinað að ræða við fjölmiðla
Gary Martin mátti ekki tjá sig.
Gary Martin mátti ekki tjá sig.
Mynd: Fótbolti.net - J.L.
Gary Martin, sóknarmaður KR, fékk ekki að ræða við fjölmiðla eftir 2-2 jafntefli liðsins gegn Val í Pepsi-deildinni í kvöld.

Einhverjir blaðamenn sóttust eftir því að fá að ræða við Gary, sem sat allan leikinn á varmannabekknum gegn Val, en fengu ekki leyfi.

Gary var dreginn burt af þjálfaranum Henrik Bödker og fjölmiðlafulltrúa liðsins, en hann ku sjálfur hafa viljað tjá sig.

Framtíð Gary er í mikilli óvissu en hann hefur mátt þola mikla bekkjarsetu á tímabilinu þrátt fyrir að hafa verið markahæsti leikmaður Pepsi-deildarinnar í fyrrasumar.
Athugasemdir
banner
banner
banner
banner