Eftir 3-0 tap fyrir ÍBV er Keflavík nánast búið að innsigla örlög sín en þeir eru nú 11 stigum frá öruggu sæti þegar aðeins 12 eru í boði.
Lestu um leikinn: ÍBV 3 - 0 Keflavík
„Það er erfitt að standa í þessum sporum að þurfa að fara héðan með 3-0 tap á bakinu," sagði vonsvikinn Haukur Ingi Guðnason, annar þjálfara Keflavíkur.
„Menn vissu það hvað þessi leikur skipti okkur miklu máli og maður myndi ætla það að það þyrfti ekkert sérlega að mótivera mnn fyrir svona leiki en neistinn hjá mörgum leikmönnum var ekki til staðar," sagði Haukur Ingi.
„Það þarf hálfgert kraftaverk til að við höldum sæti okkar í deildinni og útlitið er orðið mjög svart en við sjáum hvað setur,"
„Ég held ég tali fyrir hönd alla þegar ég segi að okkur finnst þetta hundleiðinlegt og erum mjög leiðir yfir þessu en við þurfum bara eins og svo oft áður að fara yfir þetta og sjá hvort við getum ekki bætt leik liðsins með einum eða öðrum hætti" sagði Haukur Ingi að lokum.
Athugasemdir