"Í seinni hálfleik lögðum við aðeins meiri áherslu á varnarleikinn"

Oft hefur verið talað um sóknarmenn FH en í kvöld var þriðji leikurinn í röð sem Hafnfirðingar halda hreinu, það hlýtur að gleðja Heimi að hafa staðist áhlaup Vikinga í kvöld.

"Ekki spurning, þeir hafa verið að spila vel upp á síðkastið, eru í öllum stöðum með góða fótboltamenn sem geta líka leyst vel stöðurnar einn á móti einum.

Það er jákvætt að Breiðablik og KR tapa stigum á meðan við vinnum en það er ekkert komið og við þurfum að einbeita okkur að okkur sjálfum, næsta verkefni er ÍBV eftir tvær vikur og það verður erfiður leikur."

Eftir tvo slæma heimaleiki í júlí gegn Fylki og KR sneru FH-ingar bökum saman og hafa nú unnið sex leiki í röð, er til einhver skýring á þessari breytingu?

"Já ég get alveg skýrt það en ekki í kvöld.  Það tekur aðeins lengri tíma en ég skal útskýra þetta allt eftir tímabilið".

Lofar hann því?

"Já. Pottþétt!"

Nánar er rætt við Heimi í viðtalinu sem fylgir fréttinni.