„Ég var ánægður með spilamennskuna í seinni hálfleik og strákarnir verða að fá hrós fyrir það.“

Veigar Páll kom inn á í byrjun seinni hálfleiks og breytti spili Stjörnumanna mikið.

„Við vorum stundum flatir með Gauja og Jeppa uppi. Veigar Páll kom vel inn í þetta og breytir svolítið leiknum.“

„Svona í heildina litið var þetta sanngjarnt jafntefli, held ég. [...] Núna er bara pása í einhverja 14 daga, landsleikjapása, og við ætlum að æfa vel í pásunni og klára mótið með sæmd. Það er okkar markmið.“

Michael Præst, fyrirliði Stjörnunnar, var ekki í leikmannahópi í dag vegna meiðsla.

„Nei hann meiddist á æfingu, á ökkla. Við treystum honum ekki til að spila né treysti hann sér sjálfur til að spila. Þannig við hvíldum hann í dag.“

Guðjón Baldvinsson skoraði loksins sitt fyrsta mark í sumar fyrir Stjörnuna. Rúnar var sáttur með það.

„Þetta var frábært hjá Gauja, flott mark. Vel spilað. Mjög mikilvægt fyrir Guðjón að skora mark upp á sjálfstraustið.“