Elvar Geir Magnússon og Tómas Þór Þórðarson fengu Sigurbjörn Hreiðarsson í heimsókn í útvarpsþáttinn Fótbolti.net á X-inu í gær. Þar var rætt um komandi landsleiki; gegn Hollandi í Amsterdam á fimmtudag og gegn Kasakstan á Laugardalsvelli þremur dögum síðar.
Upptöku af umræðunni má nálgast í spilaranum hér að ofan en Ísland er á toppi riðilsins eins og allir vita.
Upptöku af umræðunni má nálgast í spilaranum hér að ofan en Ísland er á toppi riðilsins eins og allir vita.
Það var algjörlega ástæðulaust að breyta einhverju.
„Eins og þeir tala um þjálfararnir þá verða agi og skipulag númer eitt, tvö og þrjú í Hollandi. Það er alveg klárt mál. Holland hefur skipt um þjálfara og það er smá óskrifað blað hvernig þeir fara í þetta. Við förum í þennan pakka varnarsinnaðir í miklum skipulagshugleiðingum. Þannig verður þetta ekki gegn Kasakstan á sunnudeginum, þá verður annað uppi á teningnum," segir Sigurbjörn en eitt stig yrðu frábær úrslit í Hollandi.
„Það yrði stórkostlegt ef við myndum vinna Hollendinga en það verður þrautinni þyngri. Ef við töpum þessu þá er gríðarlega mikilvægt að taka þrjú stig gegn Kasakstan. Við erum klárlega mun betra lið en Kasakstan og þá þarftu leikmennina sem eru góðir með boltann og vilja vera með hann."
„Það þarf ótrúlega mikið að gerast til að við klúðrum þessu," segir Sigurbjörn um stöðu Íslands.
Þjálfaraskipti hafa orðið hjá andstæðingum okkar á fimmtudag, Danny Blind tók við í byrjun júlí.
„Þessi keppni er úr karakter hjá Hollandi miðað við einhverjar tíu keppnir á undan þar sem þeir hafa unnið riðilinn og varla fengið á sig mörk. Þeir eru að hugsa hvenær þeir komist í gírinn sinn. Núna segja þeir: 'Þetta er tíminn. Nýr þjálfari og nýtt móment, nú byrjar riðillinn almennilega. Keyrum á þetta, vinnum það sem eftir er' - Það er bara það sem er í gangi. Danny Blind kemur inn með örfáar áherslur og treyst er á að gæðin þeirra vinni íslensku gæðin," segir Sigurbjörn.
Í spjallinu hér að ofan er talað um markmannsmálin, stöðu einstakra leikmanna og margt fleira tengt leiknum.
Athugasemdir