Crystal Palace hefur fengið framherjann Loic Remy á láni frá Chelsea út tímabilið.
Alan Pardew, stjóri Palace, þekkir Remy því hann lék undir hans stjórn hjá Newcastle tímabilið 2013/2014.
Chelsea keypti Remy frá QPR fyrir tveimur árum en hann hefur skorað tólf mörk í 47 leikjum með félaginu.
„Þetta er mjög gott tækifæri fyrir mig," sagði hinn 29 ára gamli Remy eftir að hann skrifaði undir lánssamninginn í dag.
Remy á 31 landsleik að baki með Frökkum en á ferlinum hefur hann einnig leikið með Lyon, Lens, Nice og Marseille.
Athugasemdir