Spænski framherjinn Lucas Perez hefur gengið til liðs við Arsenal frá Deportivo La Coruna.
Hinn 27 ára gamli framherji átti mjög gott tímabil með spænska liðinu á síðustu leiktíð þar sem hann skoraði 17 mörk í deildinni og 19 í öllum keppnum.
Hann skoraði m.a í sjö leikjum í röð þar sem hann jafnaði met Brasilíumannsins Bebeto en hann skoraði einnig gegn Eibar í fyrsta leik þessa tímabils.
Perez lék með liðum eins og Rayo Vallecano, Karpaty Lviv og PAOK áður en hann fór til Deportivo.
Hann á alls 58 leiki fyrir Deportivo og skorað í þeim 24 mörk.
Athugasemdir