„Ég tel að það verði rétti tímapunkturinn fyrir mig að segja bless við alþjóðlegan fótbolta eftir HM," segir Rooney sem skorað hefur 53 mörk í 115 leikjum.

„Ég er búinn að taka ákvörðun."

Á sunnudaginn mun hann slá met David Beckham yfir útivallarleikmann sem spilar flesta leiki fyrir enska landsliðið.

„Rússland verður síðasta tækifæri mitt til að gera eitthvað með Englandi svo ég vonast til að njóta þessara tveggja ára og vonandi get ég endað landsliðsferilinn á góðum nótum."

Eftir að Jose Mourinho tók við Manchester United hefur Rooney spilað í holunni fyrir aftan sóknarmanninn. Stóri Sam hefur sagt að hann muni nota Rooney í sömu stöðu í landsleikjum.