„Þetta er markmið sem við erum núna búnar að stefna að frá því í nóvember, maður er búinn að hugsa um þetta á hverjum einasta degi nóvember," sagði Lára Kristín Pedersen mjög svo sátt eftir 4-0 sigur Stjörnunnar á FH í dag.
Eftir jafntefli við Breiðablik fyrir stuttu hefur þetta verið í höndum Stjörnunnar, en Lára Kristin segir að hún og sínir liðsfélagar hafi þurft að halda einbeitingu.
Eftir jafntefli við Breiðablik fyrir stuttu hefur þetta verið í höndum Stjörnunnar, en Lára Kristin segir að hún og sínir liðsfélagar hafi þurft að halda einbeitingu.
Lestu um leikinn: Stjarnan 4 - 0 FH
„Við höfum þurft að halda fókus. Það eru allir að óska manni til hamingju og svona, en maður hefur bara þurft að halda fókus og við gerðum það," sagði Lára Kristín ennfremur.
Lára Kristin skoraði í leiknum og tók DAB'ið alræmda þegar hún fagnaði markinu. Hún útskýrði það nánar í viðtali eftir leik af hverju hún ákvað að fagna á þennan hátt.
„Gunnar nokkur Birgisson skorað á mig í byrjun tímabils og ég hef ekki sett eitt mark fyrr en núna, þannig að ég á inni máltíð."
Viðtalið má sjá í heild sinni í spilaranum hér að ofan.
Athugasemdir