„Þetta er búið að vera alltof stressandi. Við komum okkur í alltof erfiða stöðu en við gerðum það sem þurfti í dag og kláruðum þetta. Það er mjög þægilegt," sagði Ruth Þórðar, fyrirliði Fylkis, eftir markalaust jafntefli gegn Selfyssingum í kvöld.
Jafnteflið nægði Fylki til að tryggja sæti sitt í Pepsi-deildini en tap hefði fellt liðið.
Jafnteflið nægði Fylki til að tryggja sæti sitt í Pepsi-deildini en tap hefði fellt liðið.
Lestu um leikinn: Fylkir 0 - 0 Selfoss
Selfoss var líklegri aðilinn í leiknum í kvöld þar til Sharla Passariello fékk að líta rauða spjaldið. Sharla sparkaði aftan í Ruth þegar boltinn var farinn í burtu.
„Þetta var alltaf rautt. Hún fór beint aftan í mig. Þetta var eitthvað pirringsbrot og klárt rautt spjald," sagði Ruth.
Fylkir endaði í 8. sæti í Pepsi-deildinni í sumar en Ruth telur að það þurfi að styrkja liðið fyrir næsta tímabil.
„Við erum frekar fámennur hópur og við þurfum að styrkja okkur. Við erum með ungar stelpur úr öðrum og þriðja flokki sem eru að stíga sín fyrstu skref. Við þurfum að styrkja liðið ef við ætlum að fara í einhverja toppbaráttu."
Hér að ofan má sjá viðtalið í heild sinni.
Athugasemdir
