Djibril Cisse, fyrrum framherji Liverpool og franska landsliðsins, ætlar að leggja skóna á hilluna næsta sumar.
Hinn 33 ára gamli Cisse hefur verið að glíma við þrálát bak og nárameiðsli undanfarið hálft ár og hann hefur fengið nóg.
Hinn 33 ára gamli Cisse hefur verið að glíma við þrálát bak og nárameiðsli undanfarið hálft ár og hann hefur fengið nóg.
,,24 tíma á dag finn ég fyrir sársauka. Þegar ég horfi á sjónvarpið á kvöldin þá er sársaukinn alltaf til staðar," sagði Cisse.
,,Ég get náð að bíta á jaxlinn eitt tímabil en ekki tvö eða þrjú. Þetta er mitt síðasta tímabil held ég."
Cisse er í dag á mála hjá Bastia í Frakklandi en á ferli sínum hefur hann einnig spilað með Auxerre, Liverpool, Marseille, Sunderland, Panathinaikos, Lazio, QPR og Kuban Krasnodar.
Athugasemdir