Jose Callejon, leikmaður Napoli á Ítalíu, klúðraði á einhvern ótrúlegan hátt af línu er liðið mætti Atalanta í gær.
Napoli var 1-0 undir gegn Atalanta þegar tíu mínútur voru eftir af leiknum en hann fékk þá magnaða sendingu á fjærstöng.
Hann virtist nokkuð öruggur með að koma boltanum yfir línuna en ekki vildi betur en að boltinn fór yfir markið.
Það sem gerir þetta enn meira svekkjandi er það að Gonzalo Higuain jafnaði metin nokkrum mínútum síðar en klúðraði svo vítaspyrnu á síðustu sekúndum leiksins. Það féll ekki með Rafael Benitez og lærisveinum hans í þetta sinn..
Athugasemdir