Vincent Tan, umdeildur eigandi Cardiff City, er meðal fjárfesta í Los Angeles FC sem bætist við MLS deildina þegar leikvangur félagsins verður tilbúinn árið 2017.
Henry Nguyen leiðir 22 manna lið fjárfesta sem inniheldur meðal annars Ruben Gnanalingam, sem á stóran hlut í QPR.
Henry Nguyen leiðir 22 manna lið fjárfesta sem inniheldur meðal annars Ruben Gnanalingam, sem á stóran hlut í QPR.
Los Angeles FC kemur í MLS deildina í stað Chivas USA sem þurfti að hætta starfsemi eftir erfiðan áratug.
,,Ég er að fjárfesta í nýju félagi í Los Angeles, peningurinn kemur úr mínum eigin vasa," sagði hinn 62 ára gamli Tan.
,,Ég hef trú á því að fjárfesting í MLS deildinni muni skila sér. Mér finnst gaman að fjárfesta í knattspyrnufélögum og hef trú á því að maður geti grætt pening þannig.
,,Ég byrjaði ekki á góðri fjárfestingu, ég var óheppinn, en það er mikið af gáfuðum eigendum sem græða mikið á hverju ári og ég skil þetta allt mun betur eftir smá reynslu.
,,Ég grínast með það að peningurinn sem ég er búinn að eyða í Cardiff virkar svolítið eins og skólagjöld til að læra á eigendabransann."
Athugasemdir
