Ari Freyr Skúlason og Hallgrímur Jónasson léku allan leikinn er Odense lagði Esbjerg af velli í dönsku efstu deildinni.

Rasmussarnir tveir, þeir Rasmus Festeren og Rasmus Falk, sáu um að gera mörk Odense í leiknum eftir að hafa lent undir í fyrri hálfleik.

Sigurinn fleytir Odense í sjöunda sæti deildarinnar og er liðið sjö stigum frá Midtjylland og Aalborg sem verma annað og þriðja sæti deildarinnar, sem veita þátttökurétt í undankeppni Evrópudeildarinnar.