mán 30. nóvember 2015 08:30
Guðmundur Aðalsteinn Ásgeirsson
Heimild: Goal 
Klopp: Coutinho tilbúinn fyrir leikinn gegn Southampton
Coutinho verður heill fyrir leikinn gegn Southampton
Coutinho verður heill fyrir leikinn gegn Southampton
Mynd: Getty Images
Jurgen Klopp, stjóri Liverpool, býst við því að Philippe Coutinho verði heill heilsu þegar að Liverpool mætir Southampton í deildarbikarnum á miðvikudaginn.

Coutinho hlaut minniháttar meiðsli aftan í læri í 4-1 sigrinum á móti Manchester City og var ekki með gegn Bordeaux í síðustu viku í varúðarskyni.

Hann var heldur ekki með Liverpool í sigrinum gegn Swansea í gær, en Klopp býst fastlega við því að Coutinho muni koma við sögu gegn Southampton.

"Philippe æfði af ákefð á laugardaginn, en við ákváðum þó tveimur eða þremur dögum fyrir leik að við myndum ekki spila honum í leiknum," sagði Klopp.

"Ég held þó að hann sé tilbúinn núna. Ég sá hann í búningsklefanum og hann leit vel út. Ég mun ræða við hann í dag, en ég held að hann sé tilbúinn fyrir leikinn gegn Southampton."
Athugasemdir
banner
banner
banner
banner