mán 30. nóvember 2015 13:00
Magnús Már Einarsson
Staða McClaren ekki í hættu hjá Newcastle
Mynd: Getty Images
Starf Steve McClaren, stjóra Newcastle, er ekki í hættu þrátt fyrir slakt gengi að undanförnu en Sky Sports segir frá þessu í dag.

Newcastle tapaði 5-1 gegn Crystal Palace um helgina og margir stuðningsmenn liðsins eru farnir að setja spurninagmerki við McClaren.

Newcastle er í 19. sæti í ensku úrvalsdeildinni en liðið hefur einungis unnið tvo leiki í fyrstu 14 umferðunum.

Starf McClaren er ekki ennþá í hættu en stjórn Newcastle gæti endurskoðað ákvörðun sína fljótlega ef að gengi liðsins fer ekki að batna.

McClaren er sjálfur að reyna að blása lífi í leik Newcastle en hann skipaði leikmönnum að mæta á aukaæfingu í gær, á degi sem er vanalega frídagur hjá leikmönnum.
Athugasemdir
banner
banner
banner
banner