Mourinho hafði áður aflýst blaðamannafundi fyrir leikinn í gær en venjan í enska boltanum er að knattspyrnustjórar ræði við fjölmiðla á föstudögum.

Portúgalinn var í vikunni sektaður um 25 þúsund pund af enska knattspyrnusambandinu fyrir ummæli sem hann lét falla eftir leik gegn Southampton þar sem hann talaði um að verið væri að vinna gegn Chelsea.

Þá er talið að hann sé afar ósáttur við leikbannið sem Diego Costa fékk fyrir að traðka á Emre Can en Costa var dæmdur í þriggja leikja bann og tók út sinn fyrsta leik í dag.