,,Þetta var allt í lagi og ekki mikið meira en það," sagði Emil Hallfreðsson fyrirliði íslenska landsliðsins í 1-1 jafntefli gegn Eistlandi í vináttulandsleik í Tallin í dag.
,,Það virðist vera þegar komið er í svona æfingaleik þá detti þetta í smá kæruleysi og það er eitthvað sem við megum kannski bæta."
,,Mér fannst við byrja af krafti og hefðum getað komist í 2-0 eða 3-0 hefðum við nýtt færin. Svo duttum við niður í sama plan og þeir og eftir það fannst mér þetta ekki frábær leikur.""
Undir stjórn Lars Lagerback og Heimis Hallgrímssonar hefur gengið í æfingaleikjunum ekkert verið frábært á meðan allt gengur eins og í lygasögu í mótsleikjunum.
,,Það er kannski jákvætt á sinn hátt. Þó þessir leikir séu líka mikilvægir þá voru 11 breytingar og nýir menn að fá að spila. Það er líka jákvætt í þessu öllu að menn fái að sýna sig. Eigum við ekki að taka þetta jákvæða út úr þessu."
Emil átti sjálfur mjög góðan leik en gerði mistök í markinu sem Ísland fékk á sig.
,,Ég bjóst ekki við að fá sendinguna og svo rann ég til í snertingunni. Ég get tekið það á mig og skal taka þau mistök á mig. Mistökin eru til að læra af og þetta gerist ekki aftur."
Nánar er rætt við Emil í sjónvarpinu að ofan.
Athugasemdir