Ísland gerði í dag 1-1 jafntefli við Eistland þegar liðin mættust í vináttuleik í Tallin.
Rúrik Gíslason kom Íslandi yfir með laglegu skoti snemma leiks en heimamenn jöfnuðu metin snemma í seinni hálfleik og þar við sat.
Heimir Hallgrímsson, landsliðsþjálfari Íslands, viðurkennir að hann hafi ekki verið allt of sáttur með frammistöðu sinna manna.
Rúrik Gíslason kom Íslandi yfir með laglegu skoti snemma leiks en heimamenn jöfnuðu metin snemma í seinni hálfleik og þar við sat.
Heimir Hallgrímsson, landsliðsþjálfari Íslands, viðurkennir að hann hafi ekki verið allt of sáttur með frammistöðu sinna manna.
,,Menn fengu tækifæri til að sýna sig. Við spiluðum ekki vel en töpuðum ekki, það er jákvætt. Það er örugglega hægt að horfa á leikinn og tína eitthvað jákvætt, en yfir höfuð spiluðum við nokkuð illa í þessum leik. Við vorum ekki að gera það sem við erum vanir að gera vel," sagði Heimir við Fótbolta.net.
,,Ég er svolítið svekktur yfir að hafa ekki náð að vinna Eista á útivelli, þrátt fyrir að við höfum gert 11 breytingar á liðinu."
Ísland hefði klárlega getað fengið tvær vítaspyrnur í leiknum, en dómarinn frá Lettlandi átti afleitan leik.
,,Við vissum það alveg fyrir leikinn að Letti sem dæmir leik hjá Eistum, við vissum að við fengjum ekkert gefins í þessum leik. En við hefðum bara átt að vinna þetta samt og gera miklu betur en við gerðum," sagði Heimir.
,,Með allri virðingu fyrir Eistum, þeir spila á sínu sterkasta liði, ég er alls ekki með vanvirðingu gagnvart þeim en ég hefði allavega viljað gera betur. En það er alltaf gott að fá svör, og þau þurfa ekki alltaf að vera jákvæð."
Athugasemdir