þri 31. mars 2015 18:45
Alexander Freyr Tamimi
Hummels: Lofaði Ferguson ekki neinu
Mynd: Getty Images
Mats Hummels, varnarmaður Borussia Dortmund, harðneitar því að hafa lofað Sir Alex Ferguson að hann myndi ganga í raðir Manchester United.

Þessi öflugi miðvörður hefur verið sterklega orðaður við United undanfarin ár, en sjálfur útilokar hann ekki að yfirgefa Dortmund í sumar.

Breskir fjölmiðlar halda því fram að Hummels hafi árið 2012 lofað Ferguson að hann myndi ganga til liðs við United, en þetta á að hafa gerst þegar Skotinn mætti á bikarúrslitaleik Dortmund gegn Bayern Munchen.

Hann harðneitar þó að hafa lofað Ferguson nokkrum sköpuðum hlut.

,,Bara svo það sé á hreinu, þá er þetta svokallaða "loforð" alger skáldskapur, og þá er ég að orða þetta kurteisislega," skrifaði Hummels á Twitter.

Hummels hefur verið leikmaður Dortmund frá árinu 2008, en hann kom til félagsins frá Bayern Munchen.

Athugasemdir
banner
banner
banner
banner