Í gær skrifuðu 9 ungar stúlkur undir leikmannasamning við ÍBV. Þetta eru stúlkur úr árgöngum 1996-1999.
,,Þetta eru mikil gleðitíðindi fyrir félagið sem er nú á leið í æfinga og keppnisferð til Spánar," segir í tilkynningu félagsins.
Í ferðina fara 28 leikmenn ásamt 5 manna þjálfara og fararstjórn. Í ferðinni leikur meistaraflokkur einn æfingaleik ásamt því að æfa stíft undir stjórn Ian Jeffs en 2.flokkur mun bæði æfa og taka þátt í Costa Blanca Cup sem er árlegt mót sem haldið er á Costa Blanca svæðinu.
Stúlkurnar sem skrifuðu undir samning í gær eru þær Ásta María Harðardóttir, María Björk Bjarnadóttir, Sigríður Sæland, Díana Helga Guðjónsdóttir, Margrét Íris Einarsdóttir, Inga Hanna Bergsdóttir, Bríet Stefánsdóttir, Sóldís Gylfadóttir og Unnur Ástrós Magnúsdóttir.
Í æfingaferðinni munu fleiri leikmenn skrifa undir leikmannasamninga við ÍBV.
,,ÍBV óskar þessum efnilegu stúlkum innilega til hamingju með nýja samninga og óskar þeim velfarnaðar á komandi leiktímabili," segir að lokum í tilkynningunni.
Athugasemdir