Kristinn átti stórleik í liði Breiðabliks í kvöld.
Kristinn Jónsson átti frábæran leik í vinstri bakverði Breiðabliks í kvöld. Hann átti þátt í öllum þremur mörkum Breiðabliks í 3-0 sigri á Stjörnunni í kvöld.
Lestu um leikinn: Breiðablik 3 - 0 Stjarnan
„Þetta spilaðist alveg eins og við ætluðum að spila. Við ætluðum að vinna þennan leik. Við ætluðum að slökkva í þessum Stjörnumönnum og það tókst í dag," sagði Kristinn.
Hann fékk dæmda vítaspyrnu sem Guðjón Pétur skoraði úr og kom Blikum yfir í leiknum 1-0. Kristinn segir enganvafa að um brot hafi verið að ræða.
„Þetta var alltaf víti. Hann sparkaði það hátt að það fór í hnéð á mér. Þetta var 100% víti. Ég hefði annars alltaf skorað úr færinu."
Viðtalið í heild sinni er hægt að sjá í sjónvarpinu hér að ofan.
