Paolo Guerrero, fyrirliði Perú.
Paolo Guerrero, fyrirliði Perú, fær að spila á Heimsmeistaramótinu í Rússlandi eftir allt saman.
Hinn 34 ára gamli Guerrero féll á lyfjaprófi eftir leik gegn Argentínu í október í fyrra þar sem kókaín fannst í blóði hans. Guerrero hefur alltaf haldið fram sakleysi sínu, en hans tilgáta fyrir kókaínfundnum er sú að hann hafi tekið það inn með tedrykkju.
Hinn 34 ára gamli Guerrero féll á lyfjaprófi eftir leik gegn Argentínu í október í fyrra þar sem kókaín fannst í blóði hans. Guerrero hefur alltaf haldið fram sakleysi sínu, en hans tilgáta fyrir kókaínfundnum er sú að hann hafi tekið það inn með tedrykkju.
Upphaflega var Guerrero dæmdur í 12 mánaða bann, bannið var síðan stytt í sex mánuði áður en það var aftur lengt upp í 14 mánuði.
Málinu var aftur áfrýjað og nú hefur dómur í Sviss komist að þeirri niðurstöðu að sóknarmaðurinn megi spila á HM. Bannið hefur einfaldlega verið fryst á meðan málið verður rannsakað frekar, en það þýðir að Guerrero getur spilað í Rússlandi.
Þetta eru mikil gleðitíðindi fyrir Perú sem er að fara á sitt fyrsta Heimsmeistaramót í 36 ár.
Perú er í C-riðli með Ástralíu, Frakklandi og Danmörku.
Sjá einnig:
Fyrirliðar andstæðinga vilja að Guerrero spili á HM
Switzerland’s supreme court has cleared Peru captain Paolo Guerrero to play at the World Cup: https://t.co/eeQz30T8Vb pic.twitter.com/GQPwc6aAVX
— ESPN FC (@ESPNFC) May 31, 2018
Athugasemdir
