FH mætir Elfsborg í fyrri leik liðanna í forkeppni Evrópudeildarinnar í Svíþjóð í kvöld. Við kíktum á æfingu hjá FH áður en þeir fóru af landi brott og heyrðum í markahróknum Atla Viðari Björnssyni en hann hefur leikið þá nokkra Evrópuleikina á ferlinum.
,,Það er erfitt að meta möguleikana. Við höfum lítið skoðað þetta lið. Við gerum okkur grein fyrir því að þetta verður erfitt. Við erum að fara spila við sænskt úrvalsdeildarlið og maður skyldi ætla að þau væru öflug. Þetta verður krefjandi verkefni fyrir okkur,” sagði Atli sem segir að liðið verði að spila skynsamlega.
,,Við verðum að spila skynsaman leik eins og við höfum gert áður í Evrópukeppninni og mæta með liðsheild og samstöðu. Það hefur komið okkur í gegnum þá leiki sem við höfum unnið,” sagði Atli Viðar.
Viðtalið í heild sinni er hægt að sjá í sjónvarpinu hér að ofan.
Athugasemdir
