Stjarnan tekur á móti pólska liðinu Lech Poznan í forkeppni Evrópudeildarinnar á Samsung-vellinum í kvöld. Leikurinn byrjar klukkan 19:30 en löngu er orðið uppselt á leikinn.
Brynjar Björn Gunnarsson aðstoðarþjálfari Stjörnunnar er spenntur fyrir þessu verkefni og segir liðið hafa undirbúið sig ágætlega fyrir þetta einvígi.
Brynjar Björn Gunnarsson aðstoðarþjálfari Stjörnunnar er spenntur fyrir þessu verkefni og segir liðið hafa undirbúið sig ágætlega fyrir þetta einvígi.
,,Þetta er sterkt lið og það verður gaman að sjá hvernig þetta fer. Þeir hafa náð ágætis úrslitum í Evrópukeppninni síðustu ár."
,,Við höfum aðeins farið yfir þetta. Þeir eru tæknilega og líkamlega mjög sterkir. Þeir eru vel skipulagðir og hættulegir í föstum leikatriðum. Við þurfum að vera vel á verði og vel einbeittir. Jafnvel meira einbeittir en við vorum gegn Motherwell," sagði Brynjar Björn en Stjarnan náði ótrúlegum úrslitum þar eftir að hafa lent oft á tíðum undir í því einvígi.
Áhorfendur Lech Poznan eru heimsfrægir fyrir mikil læti og ótrúlegan stuðning í stúkunni. Brynjar segir því mikilvægt að ná góðum úrslitum hér heima áður en farið er í þá gryfju.
,,Þeir treysta mikið á heimavöllinn. Þeir ná góðum úrslitum þar og eru með brjálaða áhorfendur. Það er mjög mikilvægt að ná góðum úrslitum hér heima áður en við förum út til Póllands."
Viðtalið í heild sinni er hægt að sjá í sjónvarpinu hér að ofan.
Athugasemdir