Davíð Þór Viðarsson.
FH-ingar eru í mjög erfiðum málum eftir 4-1 tap fyrir Elfsborg í fyrri leik liðanna í forkeppni Evrópudeildarinnar. Erfitt er að sjá FH fara áfram eftir þetta tap en seinni leikurinn verður í Kaplakrika eftir viku.
„Þetta er ógeðslega svekkjandi. Þeir voru meira með boltann en við sköpuðum hættulegri færi í fyrri hálfleik og vorum óheppnir að vera ekki yfir í hálfleik," sagði Davíð Þór Viðarsson, miðjumaður FH, eftir leikinn.
„Í seinni hálfleik fáum við þetta víti á okkur sem mér fannst vera hálf ódýrt. Eftir það komum við sterkir til baka og jöfnum en svo veit ég ekki hvort þetta sé kæruleysi eða þreyta... við missum aðeins hausinn."
„Við spiluðum vel fyrstu 75 mínúturnar en héldum ekki einbeitingu. Það var ömurlegt að fá þessi mörk á okkur í lokin."
„Það eru 90 mínútur eftir en það verður ógeðslega erfitt (að ná hagstæðum úrslitum í seinni hálfleiknum) en ég lofa þér því að við munum gera okkar besta til að ná góðum úrslitum þar."
Viðtalið má sjá í heild sinni í sjónvarpinu hér að ofan en það tók Anton Ingi Leifsson, fjölmiðlafulltrúi FH.
Athugasemdir
