Tottenham hefur náð samkomulagi við Sporting Lisbon um kaupverð á varnarmanninum Eric Dier.
Enska félagið staðfesti þetta með stuttri tilkynningu í kvöld, en Dier er einungis tvítugur og þykir mikið efni.
Dier er fæddur á Englandi en fluttist til Portúgal með fjölskyldu sinni ungur að aldri. kom upp í gegnum hið margfræga unglingastarg Sporting. Á hann að baki leiki með unglingalandsliðum Englands.
Leikmaðurinn mun núna gangast undir læknisskoðun áður en hann gengur formlega í raðir Tottenham.
Kaupverðið er talið nema um 4 milljónum punda.
Athugasemdir