fös 31. júlí 2015 07:30
Alexander Freyr Tamimi
Dzeko kemst að samkomulagi við Roma
Dzeko er líklega á leið til Ítalíu.
Dzeko er líklega á leið til Ítalíu.
Mynd: Getty Images
Edin Dzeko, framherji Manchester City, hefur komist að samkomulagi um kjör við ítalska stórliðið Roma. Þetta herma heimildir Sky.

Félögin eiga þó enn eftir að semja um kaupverðið á bosníska landsliðsmanninum, sem hefur í tvígang orðið Englandsmeistari á sínum fjögurra ára ferli hjá City.

Dzeko byrjaði einungis 11 deildarleiki á síðustu leiktíð og viðurkenndi knattspyrnustjórinn Manuel Pellegrini fyrr í mánuðinum að framtíð hans gæti legið annars staðar.

City mun líklega lána Stevan Jovetic og verða Sergio Aguero og Wilfried Bony þá einu framherjar liðsins að öðru óbreyttu.
Athugasemdir
banner
banner
banner