FH og Stjarnan stefna á einvígi um Íslandsmeistaratitilinn eftir að bæði lið unnu sína leiki í kvöld. FH rúllaði yfir Fjölni og er sem fyrr með tveggja stiga forskot á toppnum.

Stjörnumenn unnu KR 3-2 í Vesturbænum þar sem Ólafur Karl Finsen skoraði tvívegis fyrir Garðbæinga. Ólafur Karl skoraði sigurmarkið á 87. mínútu eftir undirbúning frá Rolf Toft. Stjarnan heldur því áfram baráttunni um titilinn á meðan titilvonir KR-inga eru nánast úr sögunni.

Framarar unnu mikilvægan sigur í botnbarátunni en þeir lögðu Keflavík 4-2 á útivelli. Einungis eitt stig skilur þessi lið að í níunda og tíunda sæti en Fjölnismenn eru í fallsæti, tveimur stigum á eftir Fram.

Þá gerðu Breiðablik og Fylkir jafntefli en þetta var ellefta jafntefli Blika í sumar.