Víkingur R. lagði Þór 1-0 á útivelli í síðasta leik kvöldsins í Pepsi-deild karla.

Michael Abnett skoraði eina markið mínútu eftir að hann kom inn á sem varamaður í síðari hálfleik.

Þetta var mikilvægur sigur fyrir Víking í baráttunni um Evrópusæti en liðið er í 4. sæti, fimm stigum á undan Val.

Þórsarar eru aftur á móti með níu stig á botninum og gætu fallið niður í 1. deild í næstu umferð ef úrslit verða þeim óhagstæð.