Real Sociedad sigraði Real Madrid 4-2 í spænsku úrvalsdeildinni í kvöld. Alfreð Finnbogason var ekki með Sociedad í kvöld en tæpar tvær vikur eru í að hann verði klár í slaginn á nýjan leik eftir axlarmeiðsli.

Real Madrid komst í 2-0 strax eftir 11 mínútur og fæstir bjuggust við að heimamenn myndu ná að snúa taflinu við eftir. Sú varð þó raunin en Sociedad jafnaði fyrir leikhlé og tryggði sér sigurinn í síðari hálfleiknujm.

Barcelona lagði Villarreal 1-0 á útivelli þar sem hinn 18 ára gamli Sandro Ramirez skoraði eina markið á 82. mínútu eftir að hafa komið inn á sem varamaður tólf mínútum áður.