mán 31. ágúst 2015 20:41
Ívan Guðjón Baldursson
Glenn Murray er á leið til Bournemouth
Mynd: Getty Images
Crystal Palace er búið að samþykkja tilboð frá nýliðum Bournemouth í sóknarmanninn Glenn Murray.

Murray átti stóran þátt í því að koma Palace upp í úrvalsdeildina fyrir þremur árum en hefur síðan þá misst sæti sitt í byrjunarliðinu.

Palace hafnaði 3 milljón punda tilboði í Murray í byrjun ágúst en er nú búið að samþykkja nýtt tilboð, sem getur numið 5 milljónum punda ef ákveðin ákvæði verða virkjuð.

Murray hefur ekki fundið sig í ensku úrvalsdeildinni þar sem hann hefur einungis skorað 8 mörk í 33 leikjum.
Athugasemdir
banner
banner
banner
banner