Ian Jeffs, þjálfari kvennaliðs ÍBV, var ánægður eftir 1-0 sigur liðsins gegn ÍA í Pepsi-deildinni í kvöld.
Lestu um leikinn: ÍA 0 - 1 ÍBV
„Þetta var erfiður leikur og mikill baráttuleikur. Mér fannst við vera með aðeins meiri gæði til að klára leikinn, mér fannst þetta sanngjörn úrslit, við vorum meira með boltann og að skapa fleiri færi," sagði Ian við Fótbolta.net eftir leikinn.
„Það eru fjórir leikir eftir og við ætlum að vinna alla þessa fjóra leiki og reyna að enda eins ofarlega og hægt er."
Jeffs mun þjálfa karlalið ÍBV út tímabilið líkt og félagið staðfesti í tilkynningu í kvöld. Hann verður auk þess þjálfari kvennaliðsins.
„Það er hægt að segja það núna að ég verð áfram þar og ég verð líka áfram hjá stelpunum. Það ætti að vera nóg að gera út septembermánuð," sagði Ian og bætti því við að hann ætli að leggja skóna á hilluna í bili.
Viðtalið má sjá hér að ofan.
Athugasemdir