ÍA 0 - 1 ÍBV
0-1 Cloe Lacasse ('46 )
0-1 Cathrine Dyngvold ('48, misnotað víti)
Lestu nánar um leikinn
0-1 Cloe Lacasse ('46 )
0-1 Cathrine Dyngvold ('48, misnotað víti)
Lestu nánar um leikinn
Fyrsta leik dagsins í Pepsi-deild kvenna er lokið þar sem ÍA og ÍBV mættust á Akranesi. Fyrir leikinn var ÍBV um miðja deild á meðan heimakonur úr ÍA voru á botni deildarinnar, tveimur stigum frá öruggu sæti.
Fyrri hálfleikurinn var frekar tíðindalítill og rólegur, en í upphafi seinni hálfleiks breyttist það. Strax á 46. mínútu skoraði Chloe Lacasse og kom ÍBV 1-0 yfir. Gestirnir komnir yfir, en Skagastúlkur fengu þó tækifæri til þess að jafna aðeins tveimur mínútum síðar þegar vítaspyrna var dæmd. Á punktinn fyrir ÍA steig Cathrine Dyngvold, en hún skaut fram hjá markinu og ÍBV því enn með forystu.
Þetta var allt frekar rólegt eftir þetta og lokaniðurstaðan réðst á þessu eina marki sem kom á 46. mínútu. Chloe Lacasse með sigurmarkið og lokatölur 1-0 fyrir gestina úr ÍBV. Mjög góð úrslit fyrir Vestmannaeyinga sem sigla nokkuð lygnan sjó um miðja deild.
Eftir þennan leik er ÍBV með 24 stig í 4. sæti á meðan ÍA er áfram á botni deildarinnar með átta stig.
Athugasemdir