Sunderland hefur fengið belgíska landsliðsmanninn Jason Denayer á láni til sín frá Manchester City út tímabilið.

Denayer er 21 árs gamall varnarmaður og er áttundi leikmaðurinn sem David Moyes fær til Sunderland í sumar.

Denayer hefur öðlast talsverða reynslu undanfarin tvö tímabil, fyrst með Celtic og síðan með Galatasaray á síðustu leiktíð. Spilaði hann í Meistaradeildinni með báðum liðum.

Hjá Celtic var Denayer valinn besti ungi leikmaður tímabilsins af leikmönnum og hjá Galatasaray vann hann tyrkneska bikarinn.