Roberto Martinez, stjóri Everton, segir að hans lið þurfi að finna leið til að loka á Gylfa Sigurðsson og Wilfried Bony þegar Swansea heimsækir Goodison Park á morgun.
Gylfi hefur verið að glíma við nárameiðsli en hefur getað æft í aðdraganda leiksins og verður væntanlega með.
Gylfi hefur verið að glíma við nárameiðsli en hefur getað æft í aðdraganda leiksins og verður væntanlega með.
Gylfi og Bony hafa náð gríðarlega vel saman í ensku úrvalsdeildinni og það hefur ekki farið framhjá Martinez.
„Swansea þekkir sína styrkleika vel og kann að spila upp á þá. Þeir eru alltaf ógnandi og það kemur aðallega frá Bony og Sigurðssyni sem eru í fantaformi," sagði Martinez á fréttamannafundi í dag.
„Þeir hafa klárlega staðið upp úr hjá Swansea á tímabilinu. Sigurðsson les leikinn frábærlega, er góður að skapa sér pláss og getur skorað með langskotum. Þá á hann stórhættulegar sendingar og nær afar vel saman með Bony."
„Við þurfum að hafa góðar gætur á þeim tveimur en svo eru líka öflugir leikmenn eins og Bafetimbi Gomis og Jonjo Shelvey."
Leikur Everton og Swansea á morgun hefst klukkan 15:00.
Athugasemdir
