Allegri orðaður við Man Utd - Modric að framlengja við Real Madrid
Úlfur: Þetta var scrappy leikur
Dragan: Má ekki gleyma að okkur var spáð 12. sæti
Fúsi: Sýnum hverjir eiga Breiðholtið ennþá
Arnar Helgi: Stundum þarf maður bara að vinna þessa iðnaðarsigra
Árni Freyr: Hefði verið sanngjarnt ef hvorugt lið hefði fengið stig
SIgurvin: Mjög sárt að fá þessa tusku í andlitið
Gunnar Heiðar: Við erum stórhættulegir í skyndisóknum
Maggi: Stoltur af því hvernig við tækluðum þennan leik
Rúnar Kristins: Vinnum ekki fleiri leiki ef við spilum svona
Addi Grétars um dómsmálið við KA: Ég vona bara að menn láti hér við sitja
Ekkert helgarfrí í fyrsta sinn á árinu - „Verðum þar í hádeginu stelpur“
Adam Páls: Ég er Valsari dauðans
Brynjar Björn ánægður með frammistöðuna: Breytir því ekki að við dettum út úr bikarnum
Mörkin gáfu þeim sjálfstraust - „Við ætluðum að keyra meira á þá“
Pirraður Gregg Ryder: Það þurfa 11 leikmenn að stíga upp
Ari hefur aldrei tapað bikarleik: Erum með sigurvegara í þessu liði
Rúnar Páll: Þetta var kærkomið
Besta frammistaða sumarsins - „Það skellihlógu allir“
Arnar hatar þessa leiki: Ef ég vissi svarið þá væri ég milljarðamæringur
„Þurftum að fá svör og láta þá spreyta sig á móti góðu liði og ákváðum að nota bikarinn í það."
banner
   sun 28. apríl 2024 17:34
Sölvi Haraldsson
Brjálaður út í dómgæsluna - „Algjörlega úr takt við leikinn“
Mynd: Fótbolti.net - Hafliði Breiðfjörð

Ég er rosalega vonsvikinn með úrslitinn og það er erfitt að kyngja því.“  sagði Jón Þór Hauksson, þjálfari ÍA, eftir 2-1 tap gegn FH í dag.


Lestu um leikinn: ÍA 1 -  2 FH

Jón Þór telur að leikurinn hafi heilt yfir verið fínn hjá ÍA en þeir náðu ekki að nýta sér það að vera betri aðilinn.

Mér fannst við ekki byrja nægilega vel. Við vorum ekki að hitta sendingarnar í dag sem gaf FH-ingum mikið af skyndisóknum, helst til of mörgum fyrir minn smekk. Síðan tókum við yfir seinni partinn í fyrri hálfeik og jöfnum leikinn. Við byrjum seinni hálfleikinn betur en náðum ekki nýta það. Síðan skora þeir 2-1 og við tökum öll völd á leiknum aftur eftir það en náðum ekki að gera okkur neitt mat úr því sem er svekkjandi.

Fyrsta mark leiksins kom af löngu færi en það eru einhverjir sem hefðu viljað sjá Árna í marki Skagamanna gera betur í því.

Ég á bara eftir að sjá markið aftur. Ég átta mig ekki á því hvort veggurinn hafi verið eitthvað á röngum stað en auðvitað á Árni alltaf að verja skot þaðan held ég. En við þurfum bara að sjá það aftur.“

Hlynur Sævar fór meiddur af velli í dag en staðan á honum er alls ekki góð að sögn Jón Þórs.

Hún er slæm mjög slæm. Mér skilst að hann sé á leiðinni í aðgerð. Hann meiddist á öxl eða viðbeini. Án þess að ég hafi fengið frekari fréttir af því fór hann úr lið eða eitthvað slíkt. Mér skilst bara að hann sé að bíða eftir aðgerð.

Það fóru mikið af spjöldum á loft í dag en margir velta því fyrir sér hvernig línan hjá Helga Mikael, dómara leiksins, var í dag. Jón Þór var allt annað en sáttur með dómgæsluna í dag.

Ég var virkilega ósáttur með dómgæsluna í dag, mér fannst hún alveg galin. Bara hræðileg. Stjórnunin á leiknum var ömurleg og frammistaðan bara mjög slæm. Spjaldagleði og algjörlega úr takt við leikinn. Mér leið eins og hann væri búinn að spjalda okkur alla áður en FH-ingarnir fengu spjald. Mér fannst ekkert samræmi í því. En auðvitað sér maður það kannski ekki alveg í réttu ljósi á hliðarlínunni. Þessi leikur var alls ekki vel dæmdur.

Það hefur mikið verið rætt og ritað um að ÍA sé að spila leikina sína inni í Akraneshöllinni en Jón Þór staðfesti það að ÍA munu spila úti í næsta heimaleik liðsins.

Það er klárt mál. Við vorum að kveðja Akraneshöllina í dag. Völlurinn er byrjaður að taka við sér en hann er alls ekki tilbúinn. Það hefði ekki verið gæfulegt að spila á honum í dag, því miður. Hann er byrjaður að taka við sér og það er verið að vinna í honum. Hann verður geggjaður í sumar.“ sagði Jón Þór Hauksson, þjálfari ÍA, eftir 2-1 sigur á FH í dag.

Viðtalið má sjá í heild sinni í spilaranum hér að ofan.


Athugasemdir
banner
banner
banner
banner
banner