Nýliðar Vestra taka á móti HK klukkan 14:00 á AVIS-vellinum í Laugardal. Vestri vann sinn fyrsta sigur í efstu deild í síðustu umferð er liðið vann dramatískan 1-0 sigur á KA á meðan HK er enn í leit að fyrsta sigrinum.

ÍA, sem hefur byrjað mótið frábærlega, mætir FH í Akraneshöllinni á sama tíma. ÍA hefur unnið tvo af þremur leikjum sínum eins og FH.

Íslands- og bikarmeistarar Víkings fá KA í heimsókn í Víkina klukkan 16:15. Víkingar hafa unnið alla þrjá leiki sína en KA aðeins fengið tvö stig.

KR og Breiðablik, sem unnu bæði fyrstu tvo leiki sína í mótinu, töpuðu bæði í síðustu umferð og reyna að komast aftur á sigurbraut er þau mætast á Meistaravöllum. Blikar munu einbeita sér alfarið að deildinni og Evrópu eftir að liðið datt óvænt út úr Mjólkurbikarnum á dögunum.

Leikir dagsins:

Besta-deild karla
14:00 Vestri-HK (AVIS völlurinn)
14:00 ÍA-FH (Akraneshöllin)
16:15 Víkingur R.-KA (Víkingsvöllur)
18:30 KR-Breiðablik (Meistaravellir)