Heimild: Dirty Tackle
Eins og hefur áður komið fram er Spánverjinn Rafael Benítez kominn á heimili sitt í Liverpool þar sem hann ætlaði upphaflega í frí en var svo skömmu síðar rekinn frá Inter Milan svo hann er atvinnulaus.
Stuðningsmenn Liverpool sjá enn á eftir knattspyrnustjóranum sem var rekinn frá Liverpool í sumar og vilja fá hann aftur enda ósáttir við gengi liðsins undir stjórn Roy Hodgson.
Þeir hafa verið duglegir að mæta fyrir utan heimili Benítez síðustu daga þar sem borðar hafa verið hendir upp með skilaboðum til Spánverjans en skilaboðin eru þessi:
,,John Henry, vinsamlega komdu með Rafa aftur,"
,,Rafa er Scouse,"
,,Það eina sem ég vil í jólagjöf er Rafa,"
,,Rafa þú átt að vera í Liverpool. You'll never walk alone,"
,,Ég vil fleiri kvöld eins og 2005. RAFA,"
,,Rafa, gerðu það komdu heim."
Mynd af borðunum má sjá hér hægra megin í fréttinni.
