Newcastle hefur áhuga á Jóni Degi - Brighton reynir við Summerville - Tilboði Tottenha í Toney hafnað
   fim 10. febrúar 2011 16:02
Magnús Már Einarsson
Heimild: Sunnlenska.is 
Endre Ove Brenne í Selfoss (Staðfest)
Endre Ove Brenne ásamt Óskari Sigurðssyni, formanni knattspyrnudeildarinnar.
Endre Ove Brenne ásamt Óskari Sigurðssyni, formanni knattspyrnudeildarinnar.
Mynd: Sunnlenska.is
Selfyssingar hafa samið við norska varnar og miðjumanninn Endre Ove Brenne en þetta kemur fram á Sunnlenska.is.

Brenne hefur verið á reynslu hjá Selfyssingum undanfarið en þessi 23 ára gamli leikmaður hefur meðal annars leikið með FF Lillehammer og Os Turn í norsku 2. deildinni.

,,Þessi drengur hefur margt til brunns að bera og ber af sér góðan þokka. Við erum sammála um að hann muni styrkja okkar lið, hann er í góðu ásigkomulagi og lítur út fyrir að vera virkilega góður persónuleiki," sagði Logi Ólafsson, þjálfari Selfoss, í samtali við sunnlenska.is.

,,Kosturinn við hann er að hann getur brugðið sér í allra kvikinda líki og spilað í öllum stöðum bæði á miðju og í vörn. Við erum ágætlega mannaðir í þessum stöðum þegar allir eru heilir en við megum ekki við neinum áföllum og þurfum að breikka hópinn," sagði Logi ennfremur.

Til stóð að Brenne spilaði æfingaleik með Selfyssingum gegn FH á laugardag. Hann þurfti hins vegar að hverfa af landi brott vegna veikinda í fjölskyldunni en skrifaði undir samning við Selfoss áður.
banner
banner