fös 01. mars 2013 15:20
Magnús Már Einarsson
Selfyssingar semja við spænskan varnarmann (Staðfest)
Mynd: Fótbolti.net - Hafliði Breiðfjörð
Selfyssingar hafa samið við spænska varnarmanninn Juan Povedano Martínez.

Juan var á reynslu hjá Selfyssingum í janúar en hann skoraði meðal annars í sigri liðsins á Stjörnunni í Fótbolta.net mótinu.

Juan er 33 ára gamall en hann var síðasta á mála hjá UD Melilla sem leikur í spænsku C-deildinni. Þá lék hann með varaliði Atletico Madrid á sínum tíma.

Selfyssingar sömdu einnig við spænska framherjann Javier Zurbano Lacalle á dögunum.

Miklar breytingar eru á leikmannahópi Selfyssinga síðan í fyrra en 19 leikmenn eru horfnir á braut og tíu aðrir komnir í þeirra stað.
Athugasemdir
banner
banner
banner
banner